فـروخ الـدجـاج
يازمـان صـار لـفـروخ الـدجـاج***والمـغـنـي والمـمـثـل والـعـمـيـل
صارت الدنيا مثل سوق الحـراج***اختلط فيها الكديش مـع الاصيـل
حتى من جانا قبـل عاميـن حـاج***قام يظهـر لـه مـع العالـم صهيـل
انحسب من عندنـا لـو كـان داج***فـي المحافـل اطلـق لسانـه يعيـل
لا بغا حاجه يشـاور (ام سـراج)***لو يخالف تغسل شراعه غسيـل
والاجانب جوك مـن كـل الفجـاج***شـئ مكفـولٍ وشــئ بــلا كفـيـل
يتـعـلـم فـيــك طـبــه والــعــلاج***ان نجح ولا عسى عمرك طويل
صـارت العيشـه بديـرتنـا همـاج***وش تمشي وش تخلي بالصميل
وين ما حطيت رجلك بـه سيـاج***بالتجــارة بالصنـاعة بالنــــخيـل
ماني طالب عيشةٍ في قصر عاج***ولا نهـرٍ من تحـت بيتـي يسيـل
ودي لـو اعيـش وفــل الحـجـاج***ودي اظهر شئ فـي جوفي نزيـل
ديرتي بصبـر ولـو فيهـا عجـاج***في ثراها اموت مـا شـد الرحيـل
ما تجي الدنيا على كيف ومـزاج***اتـّعـدل يـــوم وبـعـشـرة تـمـيـل
( ابن شــارخ التـمـيـمــــي )
السبت نوفمبر 19, 2011 8:55 am من طرف 
موضوع: قصيدة الدجاج ابن شارخ التميمي يابعد حيي 
