سو اللي براسك ولاتذكر اسـباب
لاصرت بايعـني توكـل علـى الله
ما بيني و بينك مـشـاريه وعتـاب
شف دربك الي جيـت منـه تدلـه
مـاراح تـغـلـبـنـي لـو الحـب غلاب
من حضرتك عشـان قلبـي تذلـه
في ذمتي لـ جعلك عبـره للاحباب
لين الـخليل يتـوب عن جـرح خلـه
زلاتك اللي مانفع فيـه ـن حساب
لا جـيـت اعـددهـن ثـمـانـيـن زلـه
احرجتني بين القرايـب والاحـبـاب
كن الجفا سيـف بـ وجهـي تسلـه
ماكنت اقصر فيك من كثر الاعجاب
يومك تـسـاوي عـنـدي الكون كله
كنت القريب وكلهم كانوا اغراب
حتى القمر لاغاب شفتـك محلـه
خلاص لاترجع ترا خاطري طاب
ابي ترا اللي كنت عايـش بظلـه
رح واعتبرني واحد اذنب وتاب
ماني بثـوب تلبسـه ثـم تملـه
مايجتمع بالحب صادق وكذاب
رزقي على الله وانت رزقك على الله